“Дарханы төмөрлөгийн үйлдвэр” ХХК-ийн удирдлагууд Бүгд Найрамдах Солонгос Улсад ажиллах үеэр Бусан хотын аж үйлдвэрийг дэмжих төрийн үйлчилгээний агентлагт зочиллоо.
Уулзалтын хүрээнд инженер, техникийн ажилтнуудыг БНСУ-д дадлагажуулах, мэргэжлийн сургалт зохион байгуулах, туршлага солилцох асуудлаар санал солилцсон байна. Энэ нь Монголын инженер, техникийн мэргэжилтнүүдийг олон улсын түвшинд сургах, ур чадварыг нь хөгжүүлэхэд чухал алхам болох юм.
Талууд цаашид хамтын ажиллагааг өргөжүүлж, технологи, инновацын чиглэлээр нэгдсэн төсөл, хөтөлбөр хэрэгжүүлэх боломжийг судлахаар тохиролцлоо.
