Монгол Улсад ган бүтээгдэхүүн үйлдвэрлэх Ган Үйлдвэрлэлийн Цогцолбор байгуулах төслийн хүрээнд “Дарханы төмөрлөгийн үйлдвэр” ХХК-ийн Гүйцэтгэх захирал Б.Чагнаадорж тэргүүтэй төлөөлөгчид БНСУ-ын Pohang Iron and Steel Company (POSCO) үйлдвэрт зочилж, тус компанийн удирдлагуудтай уулзалт хийлээ.
POSCO нь дэлхийн топ 10 ган үйлдвэрлэгчийн нэг бөгөөд нийт 1 тэрбум гаруй тонн ган бүтээгдэхүүн үйлдвэрлэж, 60 гаруй оронд экспортолдог. Тус үйлдвэрт нэвтрүүлсэн дэвшилтэт техник, технологи, менежментийн туршлагыг судалж, Монгол Улсад хэрэгжих төслийн хүрээнд хамтран ажиллах боломжуудыг хэлэлцсэн нь энэ удаагийн уулзалтын гол үр дүн байлаа.
Энэхүү уулзалтууд нь Монгол Улсад баригдах гангийн үйлдвэрийн төслийг олон улсын тэргүүлэх туршлага, технологид тулгуурлан хөгжүүлэх, POSCO болон холбогдох бусад байгууллагуудтай хамтын ажиллагааны эхлэлийг тавьсан чухал үйл явдал боллоо.
